Gleðilegt sumar

Í dag er sumardagurinn fyrsti svo gleðilegt sumar öll sömul. Í dag er líka farið að rigna hjá okkur en undanfarina daga hefur verið sumarblíða hjá okkur, allt upp í 20 stiga hita og glampandi sól dag eftir dag. Vinkona hennar Charlottu kom í heimsókn til hennar í gær. Eitthvað eru foreldrar hennar á öðrum hitaskala en við því blessað barnið mátti ekki fara í heitapottinn og átti að vera helst í úlpu og húfu ef hún færi út. Ég sendi þær bara upp í skóla að leika með Ragnari og vini hans. Á leiðinni heim kemur svo mamma stelpunnar og sér þær vera að labba "einar" heim. Hún tekur þær upp í bílinn og kemur hingað alveg brjáluð. Auðvitað var það Ásta sem fékk skammirnar og var alveg miður sín á eftir. Það hefði nú verið gaman ef hún hefði skammað mig,hehe. En hvað er að fólki? Ég fór svo í að útskíra fyrir Charlotta að hún fengi ekki að leika við þessa stelpu meira og auðvitað kostaði það grát og allt það. Ætli ég verði svo ekki að fara að vinna eitthvað. Fór og sótti um á sóp aftur og byrja sennilega eftir nokkra daga, þegar búið er að setja sópinn saman. Ég var nú ekkert að monta mig neitt í viðtalinu, sagðist bara vita um hvað þetta snérist og að ég gæti bjargað mér ef eitthvað bilaði í vélinni og þeir buðu fín laun. Svo er farið að rigna núna, það passar þeir spáðu sólskini. Best að fara og borða eitthvað, kílóin sem ég náði af mér um daginn eru greinilega farin að sakna mín.

Helgin og stóri bænadagurinn

Jæja hér er nú aldelis búið að vera brjálað að gera í garðinum. Við erum búin að vera að reyta arfa og kantskera út um allt. Svo er nú búið að vera aldeilis gott veður þannig að við vorum til neydd til að koma heita pottinum í gang og það gekk bara mjög vel, og eru allir búinir að prófa hann. Á föstudaginn var brjálað að gera hjá okkur, við fórum til Árna og Mæju í morgunkaffi rúnstykki og kakómjólk fyrir litlu börnin ahhaha ( Óli var líka í Kakómjólkinni ) svo fórum við á loppumarkað. Þar keyptum við hitara til að hafa úti á palli ef það verður kalt, en hann kostaði bara 40 Kr. Það er alltaf áhætta að kaupa svona á markaði en það þurfi líka að kaupa stikki til að tengja hann við gaskút. Við fórum í Bauhaus og keyptum það og það kostaði ekki meira en 99 Kr. Hitarinn virkar núna mjög fínnt. Eftir loppumarkaðinn var farið heim og kíkt í garðinn og eftir smá tíma þá þurftu við að fara að hafa okkur til því okkur var boðið til Jóns Óskars og Beggu í mat. Við bjuggumst við að við færum bara fjögur, en svo þegar á það reyndi þá vildu allir koma fyrir utan Ragnar, en hann fékk ekki að vera einn heima svo við fórum öll í mat til þeirra. Maturinn vara frábær og Íslenskur sem var enn betra. Það var íslenkst lambalæri og fullt af meðlæti ooohhhh það var svo gott mmmmmhhhh og grænar baunir frá Ora. Við vorum þar til kl ca. 11:30, þá fórum við heim og allir fóru að sofa fyrir utan Óla. Ég og Eydis sofnuðum í stólnum fræga (við erum svolítið gjarnar að sofna þar það er bara útaf því við erum svo duglegar og þá verður maður svo svakalega þreyttur hahaha). Þetta var það sem ég mundi sem gerðist um helgina en við vorum annars allan tíman útí garði fyrir utan við borðuðum úti á palli laugardagskvöldinu með nýja hitarann í gangi en það var mjög hlítt en fyrir kuldaskræfurnar þurfti að hafa hitaran í gangi. Óli var að hugsa um að sækja um vinnu en hann fékk svo miklar áhyggjur um að þá missir hann af Falkon crest og það var allveg agalegt svo ég held að hann hætti bara við og verði áfram heimavinnandi húsfaðir hahah.

Vorið er komið

Hér er allt að verða vitlaust í garðinum og maður stoppar ekki allan daginn. Ég er á fullu í skólanum, það er verið að kynna okkur valfögin og núna er ég í verkstæði og náttúrufræði og það er voða gaman maður er búin að læra að smíða fuglahús og hlusta á fugla og þekkja þá, svo er ég líka búin að vera í íþróttum, músik og leiklist og það var rosa gaman svo ég veit eiginlega ekki hvað ég á að velja en ætli það endi ekki með að ég velji íþróttir það er svo gaman að leika sér þar hahaha. En nóg með það, það var svo brjálað að gera í garðinum í dag við bara reyttum og reyttum arfa, kantskárum og smíðuðum í allan dag eftir að ég kom úr skólanum og Óli var búin að horfa á faconcrest og ég var líka búin að bera út blöðin. Svo við erum búin að vera rosa dugleg í dag. Heiðmundur kom til mín áðan og spurði hvað er ég gamall er ég 15 eða 16 :). Ég hélt að maður myndi ekki gleyma hvað maður er gamall fyrr en maður er komin í 25 og yfir :). Jæja nú hef ég ekki meir að segja og ætla að fara að sofa góða nótt öllsömul .

Helgin og rúmlega það

Hér er allt við það sama. Við erum mikið í garðinum og erum að reyna að gera sem mest fyrir sumarið. Nú er komið rafmagn í heitapottinn og þá vantar ekki mikið upp á að fá hann í gang. Við kíktum líka á nýja verslunarmiðstöð sem opnuð var á sunnudag í Vejle. Við fórum í skírn hjá Vinní og Rikka og var það bara betra en við þorðum að vona. Pláss fyrir nýjar myndir á síðunni er ekkert og fljótlega ræðst hvað við gerum í heimasíðumálum.

Föstudagur og allt að verða vitlausara

Hér vöknuðum við í sól og hita og bara frábært veður. Þegar allir voru farnir í skólann sinn datt ég inn í leikrit og sofnaði yfir því, mjög spennandi. Ásta var búin snemma og kom við hjá Mæju og fékk þar kaffi. Hún kom svo heim í ofvirknikassti og fór að planta trjám og plöntum og rak mig á fætur. Ég tók náttulega einn þátt af Falcon krest og dreif mig svo í að koma henni í fleirri verk og fá mér að borða. Líkamsræktin fékk frí í dag enda half slappur eftir hjólreiðar og lyftingar síðustu daga. Við fórum samt í golf í dag. Óli, Ásta, Ragnar og Charlotta fórum í golfkennsludag hjá golffélaginu hérna en Eydís horfði á. Heiðmundur var bara heima og dreifði huganum í tölvunni. Við hittum þýskukennarann hans Heiðmundar og þar fékk stóra barnið okkar ekki mikin plús. Hún sagði að lögregluhundurinn Rex myndi sennilega standa sig betur á skriflegu prófi en Heiðmundur. Seinnipartinn fór að rigna og þá varð ég að drífa mig að bera áburð á garðinn og trén og klára að saga við í arininn. Kvöldmaturinn var í boði afa sjoppu, lambakjöt af bestu gerð 2008 árgangurinn og heppnaðist það virkilega vel. Annars er margt að brjótast um í okkur þessa dagana. Ég þarf að koma mér í vinnu aftur og það verður ekki létt, enda búin að hanga heima í óra tíma og gera ekki neitt eins og alvöru húsmóðir. Myndir af okkur eru enn á leiðinn inn en vegna anna hjá herra Vald hafa þær ekki komið inn enn. Annars er allt við það sama hérna. Við alltaf jafn skít blönk og allt það. Mikið væri annars gaman ef ég hefði einn Einsa hér til að kommentera á okkur, mig vantar alveg einhvern til að snakka sammen med.  

Jæja

Í dag byrjum við á garðinum, svona til tilbreytingar. Við erum bara búin að gera voða lítið núna, erum aðalega í að finna nýjar plöntur, áburð og gosbrunn. og þá er það upptalið. Fórum í smá verslunarleiðangur og keyptum nýtt hjól handa Eydísi, voða flott náttulega, hlaupaskó á eldripartinn af fjölskyldunni og íþróttaföt í stíl og nokkrar plöntur. Ásta var líka voða góð og gaf mér nýjan farsíma. Ég kom með minn gamla inn í búðina og allir í búðinni og þá meina ég allir koma til að skoða þetta foláta símtæki og margir spurðu "hvað er þetta eiginlega". En þetta var nú bara ekta sími fyrir mig, kannski ekkert þjáll í vasa en góður í tösku og gerði sitt gagn. Við fórum á foreldrafund með kennurunum hans Ragnars og hann var bara vel heppnaður. Ragnar mun betri en við þorðum að vona og hefur tekið miklum framförum í skólanum námslega. Smiðurinn og tryggingakallinn mættu á fimmtudag og tóku út hvað á að gera og nú á bráðlega að fara gera eitthvað. Náttulega ekki eins mikið og við vildum en samt mikið. Charlotta er búin að missa enn eina tönnina og slær nú öll hraðamet í að borða spaggetí, en getur ekki sagt S. Svo var ákveðið að Gunnar Einarsson komi hingað í heimsókn í sumar, viku eftir að við komum frá útlandinu og það verður áræðanlega gaman að fá hann, allavega sagði Ragnar yes yes. Annars er sumarið alveg að koma hérna. 10 stiga hiti dag eftir dag en oft kalt á nóttunni og kisi fær því að sofa inni. þá er þetta bara orðið gott. Nýjar myndir að okkur koma vonandi fljótlega, en Einar Vald verður að redda tölvunni fyrst. Tæknin eitthvað að stríða okkur hérna.

ekki garðurinn

Til hvers að vera með síðu hérna? Allir að væla yfir að gera síðu svo það sé hægt að fylgjast með okkur hérna og hvað við erum að gera og svo nennir engin að kíkja á síðuna og kvitta, en hvað um það.

Smiðurinn ætlar að kíkja á morgun með tryggingakallinn með og það verður spennandi. Var að stússast í allan dag og það er ljóst að ef ég ætla í skóla skal ég borga allt sjálfur og það er gott að vita það. Þá er ég ekki að gera mér vonir um að fá námsstyrk. Garðurinn var alveg látin í friði í dag. Heiðmundur fór til tannsa og á að koma aftur á mánudaginn til að fá spangir. Ásta er að spá mikið í skólann sinn þessa dagana og aðalega hvernig á að setja upp og skrfa "deklaration" en henni hefur gengið ágætlega með okkar Eydísar hjálp. Ég hef því miður ekkert verið í Biblíulestri upp á síðkastið og er farin að sakna þess. Vonandi hefur Jóhann samband við mig og færir mér góðar fréttir. Nú styttist í ferðina okkar til Búlgaríu og allir eru farnir að hlakka til. Gunnar Hrafn kemur svo vonandi til okkar eftir ferðina og verður það bara gaman. Elsku vinir drullist þið svo til að kvitta á síðuna það tekur ekki svo langan tíma.

vorverkin

Það var kalt í morgun, frost og allt. Ragnar ákvað samt að hjóla í skólann en Ásta keyrði Eydisi og Charlottu í Skólabussen en Heiðmundur var veikur heima. Það var ekki við öðru að búast enda fór hann út að labba um helgina. Ég var innivið að stússast og horfði síðan á  Falcon crest enda mikill aðdáandi þeirrar seríu. Ég notaði tækifærið og nærði mig vel yfir þættinum og í miðjum þætti og í miðju áti kom Ásta heim úr skólanum. Við fórum svo í garðinn saman og héldum áfram með vorverkinn. Nú er heiti potturinn kominn á sinn stað og búið að setja niður öll trén. Nýja gangstéttinn er líka tilbúin og helluplanið fyrir framan nýja pallinn og búið að tengja allt saman sem eina heild. Svo slóum við grasið í fyrsta skipti í ár og tókum verkfærinn og allt draslið og gengum frá því. Nú verður að fara á haugana á morgun með allt sem við erum búin að klippa og skera af og drasl sem við ætlum að henda. Smiðurinn kom líka í dag en hann ætlaði að koma fyrir tveim vikum. Merkilegt hvað brandarinn um smiðinn sem rak við í hendina á sér hljómar illa á dönsku. Smiðurinn ætlar að koma aftur á miðvikudag og þá með enn einn tryggingakallinn og það verður spennandi. Annars höfum við það bara gott hérna eins og er og vonumst til að það breytist ekki. 

Helgin

Vöknuðum hress og kát á laugardagsmorgun eftir skemmtilega nótt. Árni og Mæja komu í morgunkaffi og létu ekki vita af loppumarkaði. Við fórum á markaðinn og Charlotta keypti fullan kassa af dóti og var voða glöð. Heiðmundur og Eydís þóttust ekki þekkja okkur og biðu í bílnum á meðan við fórum inn á markaðinn. Ragnar var ekki með því hann fór í sund með vini sínum sem er í 7. bekk og gisti svo hjá honum. við fórum svo í heimsókn til vottanna, en það er Íslensk fjölskylda sem býr í Fasterhotl. Við fengum kónga móttökur eins og alltaf hjá þeim og tróðum í okkur besta kaffi í heimi, brauði og kökum. Heiðmundur fór á rúntinn um landareigninga með Samúel á jeppanum og á eftir fóru þau öll út að sigla þar sem Heiðmundur datt í það og var rennandi blautur. Við fórum svo að skoða tré hjá Árna því hann ætlar að taka flest trén úr garðinum, henda þeim og malbika yfir allt ( held ég). Við fundur fullt af trjám sem við vildum hirða en vorum ekki í stuði til að moka þau upp svo aðgerðum var frestað til morguns. Við fórum síðan heim og í GARÐINN þar sem við vorum að vinna til kl. 21:00. Þá var grillað og fjölskyldan slakaði á saman, fyrir utan Ragnar sem enn var hjá vini sínum. 

Í dag, Sunnudag vaknaði ég snemma, fór í bakaríið, gerði morgunkaffið klárt, vakti alla með kaffi, brauði og kökum. Þá var komið að garðvinnunni. Þar vorum við í allan dag í sólinni og fóðaveðrinu og moka og planta. Við sóttum térn til Árna og settum þau níður. Við kláruðum að helluleggja og hreinsa heitapottinn og nú á bara eftir að koma honum fyrir á nýja staðnum. Fórum svo að sækja Ragnar og þaðan að vinna smá. Ragnar var með hressara móti eftir dvölina hjá Daníel. Þar var hann búin að djöflast á fjórhjóli, liggja í ps2 og hafa það full gott. Við Ásta vorum á fullu við þrifin þegar Charlotta kom grenjandi inn. Ragnar var þá búin að lumbra rækilega á henni og brjóta bílpulluna hennar í klessu. Þessu var að sjálfsögðu tekið með jafnaðargeði enda Ragnar á sérsamning þegar svona kemur upp á. Ég talaði við hann og bað hann að róa sig niður. Inn að þrífa aftur og aftur kemur Charlotta grenjandi. "Ragnar er að berja Eydísi núna" Ég út aftur. ´Þá situr Ragnar upp á Eydísi, búin að ná henni niður og er að lumbra á henni. Eydís var bæði með MP 3 spilara og símann í höndunum þannig að hún átti ekki mikla möguleika á að veita mikla mótspyrnu. Ég tók af henni spilarann og símann og sagði þeim svo að halda afram að slást. Ég varð svo að fjarlægja Ragnar af henni og við það losnaði um málbeinið hjá Eydísi og hann fékk nokkur velvalin orð svona í kveðjuskini. Okkur tókst svo að klára vinnuna og koma okkur á hamborgarastað þar sem við snæddum saman í sátt og samlyndi, NOT. Ætli ég fari bara ekki í garðinn á morgun og dundi mér þar.

fredag

kattarræfillinn føor ekki í litun að þessu sinni en hann fór í sturtu í gær og var ekkert sérstaklega ánægður með það. Svo er búin að vera lús í skólanum hjá krökkunum þannig að við þorum ekki annað en að hafa þau með litað hár. Charlotta var dálítið spæld, en við vildum ekki lita á henni hárið.

Annars er búið að vera brjálað að gera um helgina. við fórum að vinna í skólanum í gær,föstudag, fórum svo bara snemma heim, fórum með avisinn og svo fórum við Ásta á tónleika í skólanum hennar. Börnin voru heima að leika á meðan. Jón Óskar og Begga komu svo til okkar með strákana því við ætluðum saman út að borða og á menningarhátíð á eftir. Eydís átti að passa allt liðið hér á meðan við færum og gerði það með ágætum. Við fórum á Kínastað sem var ekkert spes og við förum aldrei á aftur. eftir matinn fórum við svo i menninguna þar sem var litið á það nýjasta og heitasta í erótíkinni. Þarna var allt vaðandi í spennandi tækjum og tólum og lítið klæddum konum. Sumum konunum var áræðanlega orðið kallt því þær fóra að hella sjóð heitu kertavaxi hver á aðra. Sumar reyndust alveg tómar að innan því nokkrar af þessum fáklæddu konum innbyrgðu alveg djöfuldóm af allskyns tækjum og tólum. Eins og við var að búast eyddum við helling þarna, auðvitað allt í veitingar en fórum verulega sátt út. Jón og Begga buðu svo í coktel á eftir heima hjá sér þar sem málin voru rædd og litið á þann aragrúa varnings sem þau höfðu keypt á sýningunni. Jón var í feiknar stuði framan af en neyddist svo til að skoða augnlokin að innan þegar þau keyrðu okkur heim og sóttu drengina.