Langt síðan ég skrifaði

Nú hef ég bara ekki skrifað neitt hérna alveg lengi lengi og það gengur bara ekki. Best að segja frá því að veðrið leikur við okkur hérna og hefur gert það alla síðustu viku, not, eða alveg frá því ég fór í "sumarfrí". Yfir 20 stiga hiti dag eftir dag, grenjandi rigning og allt of mikill blástur. Það er ekki búin að vera einn sólbaðsdagur í langan tíma og eru sumir hérna farnir að tala um að fara til Íslands í sólbað. Ég er nú ekki alveg á þeim buxunum því þetta veður er náttulega gott fyrir gróðurinn því hér var allt að skrælna fyrir skömmu síðan. Ég hangi náttulega mest í garðinum og er "rauður" sem þýðir að ég er duglegur að fá hjálp frá öðrum hérna og passa vel upp á að allir hafi eitthvað að gera svona svo þeim leiðist ekki í sumarfríinu. Ég er líka búin að tengja fjögur ný ljós í barnaherbergjunum og er að vinna í að setja upp ljós á pallinum. Sjálfrennireiðin á bænum fór náttulega ekki í gegnum skoðun og fannst eitt og annað að sem ég nenni ekki að telja upp en er samt óþolandi. ´Ásta fór í morgun ásamt Heiðmundi, Ragnari og Charlottu til Beggu og Jóns Óskars til að baka eitthvað spennandi, held rúgbrauð og eitthvað meira. Svo eru foreldrar Jóns Óskars að koma til þeirra í vikunni og ég er að vonast eftir að vera boðin þangað í mat og að pabbi hans eldi því hann er frábær kokkur. Gunnhildur og Lasse eru búin að boða komu sína á morgun, svona rétt eins og síðast sem var á föstudag en þá komu þau ekki þannig að nú er bara að bíða og sjá. Þá er þetta orðið gott.

Athugasemdir

[Bergþóra Hlíf Guðmundsdóttir, 13.7.2009 kl. 17:36]

Óli minn á ég að taka þetta sem móðgun eða? Ég hélt að ég væri snilldarkokkur, hehe