Laugardagur í Hvítasunnu

Sótti skúterinn í morgun til Árna og Maríu, var ekkert að stoppa í kaffi eða neitt bara dreif mig heim og í garðinn. Hér er búin aðvera frábært veður í dag og allir búnir að ná sér í lit, bara mismunandi lit. Heiðmundur hélt bara sínum Hvita lit enda Hvítasunna. Ég náði mér í þokkalega eldrauðan lit. Ásta náði sér í ágætlega brúnan lit og Charlotta reyndar líka, en Ragnar þarf alltaf að vera skrítinn en hann náði sér í bláan lit. Hann var á trampólíni og rak hnéð svona svakalega í hausinn á sér að hann er mikið bólgin og allur blár í framan. Núna liggur hann fyrir með kótilettu í aldlitinu til að kæla það niður. Hér var 27 stiga hiti á opinbera mælinum frá 11 til 18 og náttulega enn heitara í garðinum góða. Ásta var dugleg í dag og tók næstum alla innkeyrlsuna og gerði hana fína. Ég þvældist eitthvað fram og til baka eins og venjulega og reyndi að hjálpa. Charlotta fékk hoppukastalann út og var þar. Ragnar fór á völlinn og var þar frá 12 til 20 á meðan Heiðmundurinn dreifði huganum við tölvuna eins og venjulega. Mamma og Einar Vald voru svo í símasambandi við okkur í dag en engar verulega krassandi fréttir. Engar fréttir eru frá hælinu hans Ragnars en vonandi tekur hann bara allan pakkann en ekki bara 10 daga. Þessir 10 daga eru rétt til að ná að sníta sér en ekki alvöru meðferð. Svo er bara að bíða og sjá hvort hann er með í ferð se áá. Gangi þér vel Ragnar minn við styðjum þig í baráttunni. Það er bara verst að þú verður að skipta um texta á sumum jólalögum td. tak-í nefið tak-í nefið og svo snúa þeir sér í hring. Þetta getur bara valdið mikilli löngun. Nú set ég af stað keppni um hvernig er best að laga þennan texta að venjulegun fjögra barna fjölskyduföður í Grafarvogi svo ekki hljótist skaði af.